
ភ្នំពេញ: អ្នកនាំពាក្យក្រសួងផែនការ ស្រី ដា បានបដិសេធ ការផ្សព្វផ្សាយ ពីការទទួលជំនួយសង្គម របស់link វេបសាយមួយ ជាព័ត៌មានមិនពិត។
អ្នកនាំពាក្យក្រសួងផែនការ បានបញ្ជាក់ថា ជាករណីបោកបញ្ឆោតពីជនខិលខូច មានចេតនាទុច្ចរិតណាមួយនៅពេលចុចលើលីងនេះ សូមមេត្តាកុំចាញ់ការបោកបញ្ឆោតនេះឱ្យសោះ។
«ក្រសួងផែនការ សូមប្រកាសបដិសេធ ទាំងស្រុងចំពោះការផ្សព្វផ្សាយព័ត៌មាននេះ ហើយក្រសួងស្នើសុំប្រជាពលរដ្ឋនិងអ្នកពាក់ព័ន្ធមេត្តារាយការណ៍ទៅកាន់អាជ្ញាធរមូលដ្ឋាន ឬអាជ្ញាធរមានសមត្ថកិច្ចគ្រប់ជាន់ថ្នាក់ ប្រសិនបើមានជនណាម្នាក់ទាក់ទងដោយផ្ទាល់ តាមទូរស័ព្ទ ឬតាមគ្រប់មធ្យោបាយ ដើម្បីឱ្យជឿជាក់ ឬអនុវត្តតាមការផ្សព្វផ្សាយនូវព័ត៌មានមិនពិតខាងលើ។ »។ នេះបេីតាមការបញ្ជាក់របស់ អ្នកនាំពាក្យ ក្រសួងផែនការ តាមសារTelegram ។
