តាកែវ: មន្ទីរពេទ្យខេត្តតាកែវ ប្រេីរបៀបវះកាត់តាមបែបវេជ្ជសាស្រ្តទំនើប និង ឆាប់រហ័សជាសះស្បើយ ព្យាបាលស្រ្តីរងគ្រោះបាក់ដេីមដៃផ្នែកខាងលេី ដោយសារគ្រោះថ្នាក់ចរាចរណ៍ ប្រកបដោយជោគជ័យ។
តាមការអះអាងរបស់ ផ្នែកវះកាត់នៃមន្ទីរពេទ្យបង្អែកតាកែវ បានឱ្យដឹងថា នៅថ្ងៃ ចន្ទ ទី៤ ខែ មីនា ឆ្នាំ២០២៤ បានទទួលករណីស្រ្តីម្នាក់ឈ្មោះ ស ល ប អាយុ 33 ឆ្នាំ មានអាការឈឺនៅដើមដៃខាងឆ្វេង ហើយព្រមទាំងហើម និងវៀចខុសទម្រង់ធម្មតា និងឈឺចាប់នៅស្មាផ្នែកខាងឆ្វេង ក្រោយពេលគ្រោះថ្នាក់ចរាចរណ៍។
ក្រុមវេជ្ជបណ្ឌិតឯកទេសផ្នែក វះកាត់ បាក់បែកឆ្អឹង និងប្តូរសន្លាក់ បានពិនិត្យ និងថត បានរកឃើញថា អ្នកជំងឺមានបាក់កឆ្អឹងដើមដៃឆ្វេង ផ្នែកខាងលើ ( Fracture col de humerus Gauche ) បន្ទាប់មកអ្នកជំងឺ ក៏បាន ជ្រើសរើសព្យាបាលវះកាត់ តាមបែប វេជ្ជសាស្រ្តទំនើប និងឆាប់រហ័ស ជាសះស្បើយ ព្រមទាំងសម្រាកនៅមន្ទីរពេទ្យរយៈពេលខ្លី និងទៅធ្វើការងារបានដូចដើមវិញ។
ផ្នែកជំនាញវះកាត់នៃមន្ទីរពេទ្យបង្អែកខេត្តតាកវ បានអំពាវនាវដល់អ្នកជំងឺ បេីមានអាការឈឺបែបនេះ សូមមកពិគ្រោះជាមួយវេជ្ជបណ្ឌិតឯកទេស ដើម្បីធ្វើការព្យាបាលឱ្យបានត្រឹមត្រូវនៅផ្នែកសល្យសាស្ត្រនៃមន្ទីរពេទ្យបង្អែកខេត្តតាកែវ។
មន្ទីរពេទ្យមានក្រុមការងារ ដែលបានសហការនិងធ្វើការវះកាត់ជូនអ្នកជំងឺប្រកបដោយសុខសុវត្ថិភាព។ ប្រភព: AKP
